ကျွန်ုပ်တို့အဘဘုရား၏ စောင့်ရှောက်မှု

အရှိန်ပြင်းပြင်းရိုက်သံကြောင့် ‌ကျွန်မမော့ကြည့်လိုက်ပြီး အသံလာရာသို့ နားစွင့် လိုက်မိသည်။ ပြတင်းပေါက်မှန်မှ စွန်းထင်းရာများကို တွေ့လိုက်ရသောကြောင့် အပြင်ဘောင်သို့ လှမ်းကြည့်လိုက်သောအခါ ဖုတ်လှိုက်ဖုတ်လှိုက်ဖြစ်နေသည့် ငှက်တစ်ကောင်ကိုတွေ့လိုက်ရသည်။ ထိုငှက်လေးကို ကူညီချင်စိတ်ဖြစ်သွားသည်။

ရှင်မဿဲခရစ်ဝင် အခန်းကြီး ၁၀ တွင် တပည့်တော်များအား ၎င်းတို့တွေ့ကြုံ ရမည့် ညှဉ်းဆဲမှုများကို သတိပေးရင်း သူတို့ကိုနှစ်သိမ့်ပေးရန် ဘုရားသခင်သည် စာငှက်များကိုပင် စောင့်ရှောက်တော်မူကြောင်း သခင်ယေရှု မိန့်ကြားခဲ့သည်။ သခင်သည် တပည့်တော်များအား "ညစ်ညူးသောနတ်တို့ကို နှင်ထုတ်ခြင်းငှာ လည်းကောင်း၊ အနာရောဂါအမျိုးမျိုးတို့ကို ငြိမ်းစေခြင်းငှာလည်းကောင်း အခွင့် ပေးတော်မူ"ခဲ့သည်(:၁)။ ထိုအမှုများကို ပြုနိုင်သောတန်ခိုးသည် တပည့်တော်များ အတွက် အံ့မခန်းဖြစ်သော်လည်း အုပ်ချုပ်မင်းလုပ်သူများ၊ အာဏာရှင်များ၊ သူတို့ မိသားစုဝင်များမှအစ များစွာသောလူတို့သည် သူတို့ကို ဆန့်ကျင်ဘက်ပြုမည်၊ ဆိုးညစ်မှုကျော့ကွင်း၌ သူတို့ဖမ်းဆီးခြင်းခံရမည်ဖြစ်သည် (:၁၆-၂၈)။

ထို့နောက် အခန်းငယ် ၂၉ မှ ၃၁ တွင် မည်သို့ပင်ကြုံတွေ့ရင်ဆိုင်ရလည်း…

သူတတ်နိုင်တာကို လုပ်ခဲ့တယ်

မိခင်တစ်ဦးသည် ကြက်ဥမုန့်ဘူး၊ ထို့နောက် မွေးနေ့နှုတ်ခွန်းဆက်ကတ်နှင့် ဆီကြော်မုန့်ထုပ် အမျိုးမျိုးကို ကောင်တာပေါ် ထပ်တင်လိုက်ရင်း ငွေရှင်းရန်ပြင် သည်။ သူသည် ပင်ပန်းနွမ်းလျပံုပေါ်နေပြီး အနောက်၌ စုချည်ထားသော သူ့ဆံပင် လည်း ပြေလျော့လျက် နဖူးပေါ်ဝဲကျနေသည်။ သူ၏လမ်းလျှောက်တတ်စ ကလေး ငယ်ကလည်း ဂရုစိုက်မှုခံလိုသည့်အတွက် ဆူညံ ပွက်လောရိုက်နေသည်။ အရောင်းစာရေးက ကျသင့်ငွေကိုပြောလိုက်သော် မိခင်ဖြစ်သူ၏မျက်နှာညှိုးသွားသည်။"အို အချို့ကိုထားခဲ့ရမယ်ထင်တယ်။ ဒါပေမဲ့ ဒါတွေက သူ့မွေးနေ့ပွဲအတွက်ပဲ"ဟု သက်ပြင်းချရင်း သူ့ကလေးကို ကြည့်ကာ စိတ်မကောင်းဖြစ်နေသည်။

သူ့အနောက်၌တန်းစီနေသည့် အခြားဈေးဝယ်သူက ဤမိခင်၏နာကျင်မှုကို သိနားလည်သည်။ ဤမြင်ကွင်းက "ဤမိန်းမသည် တတ်နိုင်သမျှပြုပြီ" (မာ ၁၄:၈) ဟု ဗေသနိရွာမှမာရိကို ပြောသော ယေရှု၏စကားနှင့် အကျွမ်းတဝင်ရှိ၏။ ရှင်ယေရှု၏အသေခံခြင်းနှင့် မြေမြှုပ်ခြင်းမခံရမီတွင် မာရိက ဈေးကြီးသည့် နာဒု ဆီမွှေးနှင့် သခင့်အား လိမ်းပေးသည့်အတွက် တပည့်တော်များက သူ့ကို အပြစ်…

ယုံကြည်ခြင်းသကြားလွှာ

မြေးအဘွားနှစ်ယောက်သား လက်တွဲလျှောက်လျက် ကျောင်းဝတ်စုံသွားဝယ် ကြရာ၊ မူကြိုကျောင်းသား မြေးလေးသည် အလွန်စိတ်လှုပ်ရှားပျော်ရွှင်နေသည်။ သူပို၍ပျော်ရွှင်အောင်လုပ်ပေးရန်လည်း ကျွန်မစိတ်ဆုံးဖြတ်ထားသည်။ ဆိုင်၌ "အဘွားများသည် သကြားလွှာများစွာဖြူးပေးသည့် အမေများ ဖြစ်သည်" ဟူသည့် စာသားပါရှိသည့် ကော်ဖီခွက်ကို ကျွန်မတွေ့လိုက်သည်။ ကိတ်မုန့်ပေါ်ဖြူးလိုက် သောသကြားလွှာများကဲ့သို့သော အရာများကား ပျော်ရွှင်မှု၊ လင်းလက်မှု၊ ဝမ်းမြောက်မှုများပင်တည်း။ ၎င်းသည် အဘွားတစ်ယောက်အနေဖြင့် မြေးအတွက် ကျွန်မလုပ်ပေးရမည့် အရာများဖြစ်သည် မဟုတ်ပါလား။ ပို၍ လုပ်ပေးရဦးမည်။

သူ၏ဝိညာဉ်ရေးရာသားဖြစ်သူ တိမောသေထံသို့ ရေးသောစာတွင် ရှင်ပေါလု သည် တိမောသေ၏စစ်မှန်သော ယံဒကြည်ခြင်းကို ဖော်ပြခဲ့သည်။ တိမော‌သေ၏ အဘွားလောဣနှင့် အမိဉနိတ်တို့ကိုပါ ရည်ညွှန်းခဲ့သည် (၂ တိ ၁:၅)။ ထိုအမျိုးသမီးများသည် သူတို့၏ယုံကြည်ခြင်းအတိုင်း အသက်ရှင်ပြခဲ့၍သာ တိမောသေလည်း ယေရှုကို ယုံကြည်သူဖြစ်လာခဲ့သည်။ လောဣနှင့် ဥနိတ်တို့သည် တိမောသေကို ချစ်ပြီး သူလိုအပ်သည်များကို လိုသည်ထက် ပိုမို…

ဂရုစိုက်မှုကိုပြသောစာများ

လွန်ခဲ့သာဆယ်စုနှစ်များက ဒေါက်တာဂျယ်ရီမိုတို သည် "ဂရုစိုက်မှုကိုပြသောစာ" ၏အစွမ်းကို ရှာဖွေတွေ့ရှိခဲ့သည်။ သူ၏သုတေသနတွင် ယခင်က မိမိကိုယ်ကို သေကြောင်းကြံရန် ကြိုးစားခဲ့သောလူနာများ ဆေးရုံဆင်းပြီးနောက် သူတို့အား ဂရုစိုက်ကြောင်းပြသောစာများပေးပို့ရုံဖြင့် သတ်သေရန်ထပ်မံကြိုးစားမှုနှုန်းကို ထက်ဝက်အထိ လျော့ကျစေခဲ့ကြောင်း တွေ့ရှိခဲ့သည်။ မကြာမီက ပြင်းထန်စွာ စိတ်ဓါတ်ကျနေသူများအတွက် နောက်ဆက်တွဲကုသမှုအနေဖြင့် ကျန်းမာရေး ဝန်ထမ်းများက "ဂရုစိုက်"သောစာများ၊ ပို့စကတ်များနှင့် လူမှုကွန်ယက်မှ ရယ်ရွှင်ဖွယ်ပုံများပို့ပေးခြင်းဖြင့် ထိုသက်ရောက်မှုအစွမ်းကို ပြန်တွေ့ရှိခဲ့ကြသည်။

သမ္မာကျမ်းစာထဲမှ ကျမ်း ၂၁ စောင်သည် အကြောင်းတရားအမျိုးမျိုးနှင့် ရုန်းကန်နေရသော ပထမရာစုနှစ်ယုံကြည်သူများထံသို့ ဖေးမသည့်အနေဖြင့် ပေးပိုခဲ့သောစာများ၊ တမန်တော်များရေးသောစာစောင်များ ဖြစ်သည်။ ရှင်ပေါလု၊ ရှင်ယာကုပ်နှင့် ရှင်ယောဟန်တို့သည် ယုံကြည်ခြင်း၊ ဝတ်ပြုကိုးကွယ်ခြင်း၏ အခြေခံသဘောတရားများ၊ ပဋိပက္ခများကိုမည်သို့ဖြေရှင်းပြီး ညီညွတ်ခြင်းကို မည်သို့တည်ဆောက်ရမည့်အကြောင်း ရှင်းပြထားသောစာစောင်များဖြစ်သည်။

အထူးသဖြင့် တမန်တော် ရှင်ပေတရုက ရောမဧကရာဇ် နီရိုး၏ ညှဉ်းပန်း သတ်ဖြတ်ခြင်းခံရသော ယုံကြည်သူများအတွက် စာများရေးသားခဲ့သည်။…

မေတ္တာတော်အတိမ်အနက်

၃နှစ်သား ဒိုင်လန်မက်ကွိုင်းသည် သူ့အဖိုးအိမ်နောက်ဖေးရှိ ပေ ၄၀ နက်သည့် ကျောက်နံရံရေတွင်းကို ဖုံးထားသည့် ဆွေးနေသောအထပ်သားကိုနင်းမိပြီး တွင်းထဲသို့ပြုတ်ကျစဉ်က သူရေကူးတတ်ခါစသာရှိသေးသည်။ ဒိုင်လန်သည် သူ့အဖေလာမကယ်မီအချိန်အထိ ဆယ်ပေနက်သောရေ၌ ကိုယ်ဖော့နေခဲ့ရသည်။ မီးသတ်သမားများ ကလေးကိုဆွဲတင်ရန် ကြိုးများကိုယူလာသော်လည်း ဖခင်ဖြစ်သူမှာ သူ့သားအတွက် အလွန်ပင်စိုးရိမ်သောကြောင့် သား၏လုံခြုံမှုအတွက် ချောနေသောကျောက်တုံးများကို ကုတ်တွယ်ကာ ရေတွင်းထဲဆင်းခဲ့သည်။

အံ့ဖွယ် မိဘမေတ္တာပါတကား။ ထိုရေအနက်ကိုမမှုဘဲ သားသမီးအတွက် ကျွန်ုပ်တို့ဆင်းကယ်မည် မဟုတ်ပါလား။

ကနဦးအသင်းတော်ရှိ ယုံကြည်သူများအား လွဲမှားသောသွန်သင်မှုများ ပတ်လည်ဝိုင်းနေပြီး ၎င်းတို့၏ယုံကြည်ခြင်းခြေကုပ်ကို ရှာဖွေလျက် ရုန်းကန်နေရသူများအတွက် တမန်တော်ယောဟန် ရေးသားသောစာမှာ အသက်ဆက်သော စကားလုံးများကဲ့သို့ဖြစ်သည်။ “ဘုရားသခင်၏သားတော်ဟု ခေါ်ဝေါ်ခြင်းအခွင့်ကို ငါတို့သည်ရမည်အကြောင်း၊ ဘုရားသခင်သည် ငါတို့ကို အဘယ်မျှလောက်ချစ်တော်မူသည်ကို ကြည့်ရှုဆင်ခြင်ကြလော့”(၁ယော ၃:၁) ဟု ရေးထားသည်။ သခင်ယေရှုကို ယုံကြည်သူများအား “ဘုရားသား”(သားသမီး)ဟု ခေါ်ဝေါ်ခြင်းသည် သူ့ကိုယုံကြည်သူတိုင်းနှင့် ကိုယ်တော်၏စစ်မှန်သော တရားဝင်ပတ်သက်မှုကို သတ်မှတ်ခြင်းပင်ဖြစ်သည်။…

စိမ်းလန်းသောအရပ်ကို ရှာဖွေခြင်း

လေယာဥ်မှူး၏တည်ငြိမ်သောအသံနှင့်ကြေညာပြီးသွားသော်လည်း နှောင့်နှေးပြန်ပါပြီ။ ခရီးသည်အပြည့်ဖြစ်သော်လည်း ၂ နာရီ ကြာသည်အထိ လေယာဥ်မရွေ့ သေး၍ ကျွန်မစိတ်မရှည်တော့ပါ။ တစ်ပတ်တာလုံး အလုပ်လုပ်ခဲ့ပြီးနောက် အိမ်ပြန်ပြီး အနားယူလိုလှပါပြီ။ မည်မျှကြာဦးမည်နည်း။ ပြူတင်းပေါက်နားရှိထိုင်ခံုကိုရထား၍ မိုးစက်လေးများတင်နေသည့် ပြူတင်းမှန်မှတစ်ဆင့်လှမ်းကြည့်စဥ် ကွန်ကရစ်လေယာဥ်ပြေးလမ်းကြားမှ တြိဂံပံုအကွက်၌ မြက်ပင်စိမ်းစိမ်းကိုသတိပြုမိလိုက်သည်။ ကွန်ကရစ်များကြားမှ ထိုမြင်ကွင်းလေးက ထူးဆန်းနေပါသည်။

အတွေ့အကြုံရင့်ကျက်သည့် သိုးထိန်းတစ်ဦးအနေဖြင့် ဒါဝိဒ်သည် သိုးများနားနေရန် စိမ်းလန်းသောစားကျက်ကို ရှာဖွေပေးရန်လိုအပ်ကြောင်း ကောင်းစွာသိသည်။ ဆာလံ ၂၃ တွင် အရေးကြီးသော သင်ခန်းစာတစ်ခုကို သူရေးသားခဲ့သည်။ ၎င်းသည် ဣသရေလလူတို့၏ဘုရင်အဖြစ်ဦးဆောင်ရင်း ပင်ပန်းနွမ်းလျချိန်များတွင် သူ့အား ရှေ့ဆက်တက်လှမ်းစေမည့် သင်ခန်းစာဖြစ်သည်။ “ထာဝရဘုရားသည် ငါ၏သိုးထိန်းဖြစ်တော်မူ၏။ ငါသည် ဆင်းရဲမခံရ။ စိမ်းလန်းသော ကျက်စားရာအရပ်၌ ငါ့ကို အိပ်စေတော်မူ၍ သာယာသောမြစ်နားသို့ လမ်းပြတော်မူ၏”(:၁-၃)။

နိုင်လွန်ကတ္တရာ လေယာဥ်ပြေးလမ်းရှိ ကွန်ကရစ်များကြားတွင် မိမိသွားလိုသည့်ခရီးက ကြန့်ကြာနေပြီး နှစ်သိမ့်မှုမဲ့လျက် အနားမရသကဲ့သို့ ခံစားနေရချိန်၌…

ကျူးကျော်သူများကို ဖယ်ရှားခြင်း

ကျွန်မအမျိုးသားအိပ်ယာမှထကာ မီးဖိုချောင်ခန်းထဲဝင်သွားချိန်၌ မိုးမလင်းသေး ပါ။ သူမီးကို ဖွင့်လိုက်၊ ပိတ်လိုက်လုပ်နေကြောင်း လှမ်းမြင်ရသည်။ ပြီးမှ မနေ့မနက်ပိုင်းက မီးဖိုချောင်တွင် ကျူးကျော်သူကိုမြင်လိုက်ရ၍ ကျွန်မ ထိတ်လန့် ခြောက်ခြားခဲ့ရသည်ကို သတိရမိသည်။ ကျူးကျော်သူ = မနှစ်မြို့ဖွယ် ခြေ ၆ ချောင်း သတ္တဝါ။ ကျွန်မ၏အကြောက်သန်သည့်စိတ်ကို ခင်ပွန်းကသိသော`ကြောင့် အမြန်ရောက်လာပြီး ဖယ်ရှားပစ်လိုက်သည်။ ဤနံနက်တွင် စိုးကြောက်စိတ်မရှိဘဲ ကျွန်မမီးဖိုချောင်ဝင်နိုင်ရန် သူကြိုထပြီး ထိုအကောင် များရှိမရှိ သေချာအောင် သွားစစ်ဆေးနေခြင်းဖြစ်သည်။ တော်လိုက်တဲ့‌ ယောကျ်ား။

ကျွန်မခင်ပွန်းသည် သူ့အတွေး၌ ကျွန်မလိုအပ်မှုကို သူ့လိုအင်ထက် ပို၍ ရှေ့တန်းတင်သူဖြစ်သည်။ ကျွန်မအတွက် သူ့အပြုအမူသည် ဧဖက် ၅:၂၅ တွင် ရှင်ပေါလုဖော်ပြသောချစ်ခြင်းမျိုးကို သရုပ်ဖော်ပြနေသည်။ “အချင်းယောက်ျားတို့၊ ခရစ်တော်သည် အသင်းတော်ကို ချစ်တော်မူသကဲ့သို့ သင်တို့လည်း ကိုယ်ခင်ပွန်းကို ချစ်ကြလော့။ ထိုနည်းတူ ယောက်ျားတို့သည် မိမိကိုယ်ကိုချစ်သကဲ့သို့…

တီးတိုးသံပြခန်း

လန်ဒန်မြို့၊ စိန့်ပေါလ်ဘုရားကျောင်း၏အမိုးခုံးတာဝါရှိ တီးတိုးသံပြခန်း (The Whispering Gallery) သို့ ခြေလှမ်း ၂၅၉ လှမ်း တက်ရသည်။ ထိုနေရာတွင် စက်ဝိုင်းပံုစံ လူသွားလမ်းတစ်လျှောက်မှ အခြားသူတစ်ဉီး တီးတိုးပြောသောအသံကို ကြားနိုင်ပြီး ပေ ၁၀၀ အကွာရှိ အလွန်နက်သော နေရာမှအသံကိုပင် ကြားနိုင်သည်။ ထိုကဲ့သို့ ထူးခြားရခြင်းမှာ ထုလုံးရှည်ပုံသဏ္ဌာန် အမိုးခုံးနှင့် အသံလှိုင်း သိပ်သည်းဆ နည်းသော တီးတိုးစကားသံကြောင့်ဟု အင်ဂျင်နီယာများက ရှင်းပြသည်။

ကျွန်ုပ်တို့၏ဝေဒနာနှင့်တီးတိုးဆုတောင်းသံကို ဘုရားသခင်ကြားကြောင်း ကျွန်ုပ်တို့ သေချာသိချင်သည်။ ဆာလံကျမ်းတွင် ကျွန်ုပ်တို့၏ညည်းတွားသံ၊ ဆုတောင်းသံနှင့် တီးတိုးတောင်းလျှောက်သံများကို ဘုရားရှင်ကြားတော်မူကြောင်း သက်သေခံချက်များဖြင့် ပြည့်နေသည်။ ဒါဝိဒ်က “ငါသည် ဆင်းရဲငြိုငြင်သော အခါ ထာဝရဘုရားကို ခေါ်စဉ်၊ ငါ၏ဘုရားသခင်ကို အော်ဟစ်လေ၏” (ဆာ ၁၈:၆) ဟု ရေးသားထားသည်။ သူနှင့်အခြားဆာလံဆရာများက “ကျွန်ုပ်၏ ပတ္ထနာ...” (၄:၁)၊…

အရွယ်ရောက်ပြီ

ကျွန်မ၏မြေးလေးသည် ရိုလာကိုစတာစီးရန် တန်းစီရသည့်နေရာသို့ပြေးသွားပြီး ရိုလာကိုစတာစီးရန် အရွယ်ရောက်မရောက်၊ အရပ်တိုင်းရန် အမှတ်အသား ပြထားသည့်နံရံတွင်ကျောကပ်ပြီးရပ်လိုက်သည်။ သူ့ခေါင်းက အမှတ်အသား ကို ကျော်သည့်အတွက် မြူးတူးစွာ အော်လိုက်သည်။

ဘဝ၏ကိစ္စအများစုသည် အရွယ်ရောက်ခြင်းနှင့်ပတ်သက်သည် မဟုတ်ပါ လား။ ကလေးထိုင်ခုံ၌စီးရသည့်အရွယ်၊ ကားခါးပတ်ပတ်စီးရသည့်အရွယ်၊ ကားနောက်ခန်းမှရှေ့ခန်းသို့ ပြောင်းစီးသည့်အရွယ်၊ ယာဥ်မောင်းလိုင်စင် ဖြေသည့်အရွယ်၊ မဲပေးသည့်အရွယ်၊ အိမ်ထောင်ပြုနိုင်သည့်အရွယ် စသည်ဖြင့် ကျွန်မတို့သည် မြေးလေးကဲ့သို့ပင်၊ ကြီးပြင်းအရွယ်ရောက်လာရန် မျှော်လင့်တောင့်တလျက် အချိန်များကုန်လွန်သည်။

ဓမ္မသစ်ခေတ်ကာလက လူမှုအဖွဲ့အစည်းတွင် ကလေးများကို ချစ်သော်လည်း သူတို့ကို သိပ်တန်ဖိုးမထားကြပါ။ “အသက်ပြည့်”မှသာ အိမ်ကို အကူအညီပေးနိုင် ပြီး အရွယ်ရောက်သူများ၏အခွင့်အရာနှင့် ရဟူဒီ ဘုရားကျောင်းထဲသို့ဝင်ရောက် နိုင်သည်။ ရှင်ယေရှုသည် ဆင်းရဲနွမ်းပါးသူများ၊ ရောဂါသည်များ၊ ကလေးသူငယ် များကိုပင် လှိုက်လှဲစွာလက်ခံကြိုဆိုခြင်းအားဖြင့် သူ့ခေတ်အချိန်အခါ၏စံနှုန်းများကို ချိုးဖျက်ခဲ့သည်။ ကလေးသူငယ်များအပေါ်လက်တင်ဆုတောင်းပေးရန် မိဘများ က သူတို့ကလေးငယ်များကို ရှင်ယေရှုထံခေါ်ဆောင်လာကြောင်း ခရစ်ဝင်ကျမ်း…

ဆုတောင်းကြက်ဥများ

ကျွန်မ၏မီးဖိုခန်း ပြတင်းအပြင်ဘက် ဆင်ဝင်တံစက်မြိတ်အောက်တွင် ရော်ဘင် ငှက်မလေးက အသိုက်လာဆောက်သည်။ မြက်ပင်များကို လုံခြုံသည့်နေရာအထိ ထိုးသွင်းလိုက်ပြီးနောက် ဥများဝပ်နေသည်ကို ကြည့်ပြီး ကျွန်မသဘောကျမိ သည်။ မနက်တိုင်း ၎င်း၏တိုးတက်မှုကို ကျွန်မစစ်ကြည့်သည်။ သို့သော် ထူးခြားမှုမရှိပါ။ ရော်ဘင်ငှက်ဥများမှာ ဥမှပေါက်ရန် နှစ်ပတ်ကြာပါသည်။

ထိုသို့သောစိတ်မရှည်မှုက ကျွန်မအတွက် အသစ်အဆန်းမဟုတ်ပါ။ စောင့်ဆိုင်းရသည့်အလုပ်၊ အထူးသဖြင့် ဆုတောင်းခြင်း၌ ကျွန်မ အမြဲကြိုးစား သည်းခံရသည်။ ကျွန်မ၏ခင်ပွန်းနှင့်ကျွန်မတို့ ပထမဆုံးကလေးကို မွေးစား နိုင်ရန် ၅ နှစ်မျှ စောင့်ဆိုင်းခဲ့ရသည်။ လွန်ခဲ့သည့်ဆယ်စုနှစ်များက စာရေးဆရာမ ကက်သရင်းမာရှယ်က “ဆုတောင်းခြင်းသည် ဥများနှင့်တူသည်။ ကျွန်ုပ်တို့ ဝပ်ပြီးပြီးချင်း အကောင်ပေါက် မလာပါ” ဟု ရေးသားခဲ့သည်။

ပရောဖက်ဟဗက္ကုတ်သည် ဆုတောင်းရင်းစောင့်ဆိုင်းရသည့်အဖြစ်နှင့် နပန်းလုံးခဲ့ရသည်။ ယုဒနိုင်ငံတောင်ပိုင်း၌ ဗာဗုလုန်တို့၏လူမဆန်စွာညှဉ်းပန်း နှိပ်စက်မှုအပေါ် ဘုရားသခင်၏တိတ်ဆိတ်နေမှုကို မချင့်မရဲဖြစ်ခဲ့ပြီး “ငါသည် ငါ့ လင့်စင်ပေါ်မှာရပ်လျက် ရဲတိုက်၌အမြဲနေလျက်၊…